Page 378 - Sela

İLO XOSE SELA

– Nәdi?
– Gedәk?
– Yaxşı.
– Bәs hara gedәk?
– Hara istәyirsәn.
– Kafeyә baş çәkәk?
– Yaxşı, necә istәyirsәn.
– Hә, gedәk kafeyә, ancaq don Mamedin öldüyünü heç
kimә demә...
– Yaxşı...
Alonso Martines meydanında vә Xenova küçәsindә
sevgililәr qol-qola gәzib, bir-birlәrinin gözünün içinә
baxırdılar. Rosaurita ilә Enrike Kosentayna-i-Prats da qol-
qola gedirdilәr. Ancaq onlar yerә, siqaret kötüklәrinin
atıldığı ağacların dibinә baxırdılar.
– Sәnә soyuqdu?
– Hә, isti deyil...

X
Fırlanğıc-qapı öz oxu әtrafında fırlanır. Fırlanğıc-qapı
öz oxu әtrafında dönәndә qüssәylә yavaşca cırıldayır. Art-
kafenin fırlanğıc-qapısının dörd şlüzü, dörd bölmәsi var;
әgәr kifayәt qәdәr arıq vә ruhәn zәngindilәrsә, hәr belә
çanağa iki şair sığışar. Amma әgәr kafedәn ayaqları irәli
olmaqla şair meyidi çıxarmaq lazım gәlsә, fırlanğıc-qapını
yelpik kimi yığmaq lazım gәlәr.
Küçәyә sәfeh fikirlәrin çıxmaması üçün fırlanğıc-qapının
kәnarlarına aşağıdan yuxarı şotka vurulub. Art-kafedәki
fırlanğıc-qapı gözәl obrazdı, sıxıb şirәsini çıxarmaq mümkün
olan özünәmәxsus uğurlu tapıntıdı. Art-kafe ibrәtamiz,
fövqәladә, qәribә tapıntılarla doludu.
– Şairlәrin Palensiyada müsabiqәsi. Gül dәstәsi vә üç
min peset. Mövzu: Vәtәn vә Poeziya. Hәcmi: yüzdәn yüz
әlliyә qәdәr şeir.

378