Page 376 - Sela

İLO XOSE SELA

Rosaurita bacarsa, Sançesi zәhәrlәyәrdi. Bu fikri Art-
kafedәki bir ofisiant ağlına salmışdı.

– Senyorita Rosaura, onu deyim ki, bu Sançesin, Allah
mәni bağışlasın, yemәyinә zәhәr tökmәk lazımdı, bәlkә,
onda gәbәrә. Çox zәhәr dә lazım deyil, çünki öz zәhәri
kifayәt qәdәrdi.

Rosaurita gerçәkdәn zәhәr barәdә düşünmәyә başladı.
Kandido onu fikrindәn daşındırdı.

– Qoy öz әcәliylә ölsün. Üzündәn görünür ki, qaraciyәri
әldәn çıxıb.

Kandido vә Rosaurita dördüncü günlәr kafeyә getmәmiş-
dәn әvvәl qocalar evindә don Mamedә baş çәkirdilәr. Don
Mamedin görkәmi pis deyildi, ancaq hәrdәn nә danışdığını
bilmirdi. Bir dәfә Rosauritaya dedi:

– Qızım, siz gәnc vә tәcrübәsizsiniz, ancaq inandırıram
ki, kafedә etibar edilәcәk adam çox azdı.

– Bunu nәyә görә deyirsiniz, don Mamed?
– Nәyә görә dediyimi mәn bilirәm, qızım, bilirәm. Qüs-
sәdәn ölәn aktyor don Eduard Sançesi xatırlayırsınız?
Kandido Rosauritaya işarә elәdi.
– Əlbәttә, yadımdadı, don Mamed.
– Lap yaxşı. Qızım, sizә deyim ki, don Eduardo Sançes
alicәnab adamdı, onu paxıllıqdan öldürdülәr. Don Eduardo
mәnә qulaq asmadı! Hәmişә ona deyirdim: Sançes, tәzә
qalstukunuzu çıxarın, bu adamlar tәzә qalstuk taxanı
bağışlamırlar. Mәndәn nümunә götürün, tәzә qalstuku
ancaq bazar günlәri, sәhәr messaya gedәndә taxıram.
– Aydındı...
– Əlbәttә, aydındı, qızım. Gün kimi aydındı. Əgәr tәzә
qalstuku taxıb kafeyә getsәydim, şübhәniz olmasın, mәni
gözümçıxdıya salardılar.
Don Mamed boz damağını göstәrib siqareti sümürür,
seliyini tәzә qalstuka axıdırdı.

376