Page 375 - Sela

Art-kafe

Aktyor don Mamedin qalstukuna zillәndi. Buxağı
olsaydı, daha yaxşı hayxıra bilәrdi.

– Lәnәt şeytana! Tәzә qalstuk!
Don Mamed gümrahlaşmışdı. Don Mamed yenә
qızardılmış dadlı quşa dönmüşdü, istәyirdin, ayaqlarından
tutub, başı, içalatıyla birlikdә yeyәsәn.
– Hә, senyor, indicә taxmışam...
– Hә, işlәr yaxşı gedir?
– Narazılığım yoxdur.
Tünd-boz rәngli jilet geyinmiş aktyor az qaldı istehzayla
gülümsәsin. Ancaq özünü zorla saxladı. Tünd-boz rәngli
jilet geyinmiş aktyor don Mameddәn gözünü çәkmirdi.
– Sizin neçә yaşınız var?
– Yetmiş altı, nәdi ki?
Tünd-boz rәngli jilet geyinmiş aktyor don Mamedә lap
diqqәtlә baxdı.
– Heç, yaşlı görünürsünüz.
Don Mamed qәflәtәn qızardılmış quşa, sәrçә müqәvvası-
na döndü. Sonra qaranlıq, soyuq küçәyә çıxıb, iri, sarımtıl
göz yaşları axıtmağa başladı – göz yaşlarıyla birlikdә ruhu
da canından çıxırdı.
Tünd-boz rәngli jilet geyinmiş aktyor hәmin axşam çox
söhbәtcil vә mehriban idi.
– Bu gün Sançesә nә olub? Yәqin, lotoreyası udub.
Sançes evә qayıdıb, yaxşıca yuxuladı.

IX
Kandido hirsi artıq soyumuş kuzinası Renata ilә danışdı
vә Renatanın әri don Mamedi qocalar evinә düzәltdi.
– Sürüyüb ümumi qәbrә atınca, pis-yaxşı, başının üstün-
dә damı, gündә bir-iki dәfә isti yemәyi olar. Biçarә çox
davam gәtirmәz.

375