Page 191 - Design_Gurcu_Antologiyasi_Layout 1

Maka Coxadze

İndi dә qoca qapıçı daim hәr iki tәrәfindә haqqında söz
açdığımız şir heykәllәrinin olduğu iri giriş pillәkәninin
arxasında yerlәşәn asılqanın yarıqaranlığında dayanır, sәhәr -
dәn-axşamacan qaz pilәtәsi üzündәn uşağı evdә qoya bilmәyәn
әmәkdaş qadınlardan birinin başabәla oğluna göz qoyurdu. Şir
heykәllәri vaxtını keçirmәk sarıdan oğlana çox kömәk elәyirdi.
Sәrәncamında olan asılqandan son paltonu asdıqdan vә
daha bir salamı aldıqdan sonra qoca qapıçı elә bil ali dәrәcәli
maestro kimi, tanış partituranın oxunuşunu başa çatdırmış
olurdu.
Hәmin mәqamda da qoca Nikanın düşüncәlәri baş qaldırır,
cuşa gәlir, qarşısındakı bütün maneәlәri vurub-dağıdır,
beynindә tanış sәssiz musiqi axırdı.
Asılqanın cürbәcür rәnglәri içindә, heç olmasa, bir rәng
çatışmayanda qocanı qeyri-adi narahatlıq bürüyürdü. Günün
axırında yarıqaranlıq asılqanın qarşısında növbә yarananda
qoca qapıçı әmәkdaşların hәr birindәn iş yerini intizarda
qoymuş o adamı soruşurdu.
Günlәrin bir günü qoca küçәdә lap dovşan kimi qorxur.
Nәdәnsә özünü, az qala, balıqqulağının içindә hiss elәyir,
güman ki, hәtta ağacların xışıltısını eşitmәk iqtidarında belә
olmur.
Yazı makinasında ya kiminsә namәlum fikirlәri, ya da
ideyaların vә duyğuların artıq ehkama çevrilmiş inadkar
polifoniyası virtuoz texniki ustalıqla taqqıldayır.
Nәhәng binanın girişi ağzında balacaboy bir qarı dayanır,
ağır qapını açıb içәri girmәkdәn dәhşәtli şәkildә qorxur.
Qadın içәridә tәxminәn iyirmi dәqiqәliyә nazik, üzü 191
sürtülmüş dәftәrdәn ayrılacaq. Makinaçı qız qayğısız halda
mızıldana-mızıldana tәnha qәlbin döyüntülәrini sarımtıl kağıza
köçürәcәk.
“Şairә” makinada yazılmış şeirlәri uşaq sadәlövhlüyü ilә
aparıb bu yaxınlarda rәdd edildiyi (“Bağışlayın, vәtәndaş, biz
әlyazma qәbul elәmirik”) redaksiyaya verәcәk.
Foyedә dayanmış qadını qapıçının sualı xilas elәyәcәk: