Page 89 - Bagater Arabuli_Layout 1
P. 89
Gündüz yuxuları
vәfalı, әl dәymәmiş
lacivәrd rәng kimi saf ürәyimi...
Mәnim yorğun mәhәbbәtim,
nә zaman yığışacaqsan evinә?
* * *
Göy üzü çiliklәndi sanki,
sanki min dәnә göyәrçin pırıldayıb
uçdu göy üzündәn.
Dağları qәribә rәnglәrә boyadı
fırçası ilә şәfәq.
Mәhәbbәt, dilin nәdәn tutuldu,
göz yaşındanmı, yoxsa sәadәtdәnmi?!
Qış
Sәmadan zil qara gecә asılıb,
asılıb elә bil bir qara pәrdә.
Yenә yaxınlaşan qışın şaxtası
çiçәk şәkli çәkir pәncәrәlәrdә.
Hönkürür bir yurdsuz-yuvasız külәk,
dağıdır dumanı, sovurur qarı.
Çırpıb qapısına, tәpir özünü
yuxulu bir evә bu gecә yarı.
әlәk-vәlәk edir nә varsa, sanki
evi yağmalayan yağıdır külәk.
sobanın yanında yatan pişiyin
dәyib yuxusunu dağıdır külәk...
89
