Page 964 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Biz gediş-gәlişi azalmış adamları seyrәlmiş küçәlәrlә keçirdik vә mәn
ondan soruşdum:
– Bәs işiniz olmayanda axşamlar neylәyirsiz?
– Evdә otururam, – dedi.
– Elә tәk-tәnha oturursunuz evdә?
– Bәli, nәdir ki?.. Oxuyuram, radioya qulaq asıram.
Görәsәn, radio haqqında danışdıqlarını indi dә danışacaqmı? Amma
tamam başqa mәsәlәdәn söz saldı vә mәn bununçun ona minnәtdar idim.
– Bu da mәnim pәncәrәm, – deyә üçüncü mәrtәbәni göstәrdi.
– Bәlkә, pillәkәn qaranlıqdır, qoyun sizi yuxarıyacan ötürüm.
– Yox, – dedi.
Amma mәn geri çәkilmәk istәmirdim.
– Bәlkә, mәni evinizә dәvәt edәsiz?
388 – Mәmnuniyyәtlә. Amma indi gecdir, – o, saatına baxdı vә mәn hiss
elәdim ki, әsәbilәşir.
– Gecdir? Siz belә tezdәn yatırsınız?
– Yox, amma... – o, narahat idi, söz tapa bilmirdi.
– Yaxşı, indi ki, mәnә bir stәkan çay vermәk istәmirsiniz, gәlin bir az
da gәzişәk, hava alaq.
O dinmәdi. Biz bir neçә dәfә onların evlәrinin başına hәrlәndik. Mәn
yaman getmәk istәyirdim onun evinә. Telefon söhbәtlәrindәn mәnә bu qәdәr
tanış olan bu ala-işıq mәnzili, radionu, yumşaq kürsünü görmәk istәyirdim.
Bәlkә dә, o gün mәni evinә dәvәt etsәydi, hәr şeyi ona deyәcәkdim.
Ancaq dәhliz qapısının qarşısında ayrılarkәn o, әlini tәlәsik mәnә
uzatdı.
– Yaxşı, hәlәlik Seymur müәllim. Çox sağ olun. Gecәniz xeyrә qalsın.
Gülümsündü, cәld çevrilib qaçdı.
Mәn onun addım sәslәrini dinlәyirdim vә birdәn hәr şeyi başa düşdüm.
Başa düşdüm ki, o niyә tәlәsir, әsәbilәşir, tez-tez saata baxırdı. O, telefon
zәnginә gecikmәkdәn qorxurdu. Mәnim zәngimә.
Bir neçә gündәn sonra bizim mәsul katib istehsalat müşavirәsindә
axmaq bir çıxış elәdi.
Mәn söz aldım vә onu birtәhәr elәdim. O mәnә cavab vermәdi vә
birdәn mәnim yazığım gәldi bu kişiyә. Neçә ildir qәzetdә işlәyir, yәqin, hәlә
heç kәs onunla bu tonda danışmayıb. Özü dә adam içindә.
Müşavirәdәn sonra mәn özümü narahat hiss elәdim, әvvәla ona görә
ki, tamamilә haqlı deyildim, ikincisi ona görә ki, Firuzun mәslәhәtlәrini
xatırladım, üçüncüsü dә ona görә ki, bu işdәn dә getmәk istәmirdim.