Page 766 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Qoca әvvәl elә güman etdi ki, bu qız elә-belә yoldan keçәndir. Lakin
son ra gördü ki, oğlan çevrilib ona nә isә dedi vә qız gözәl, ağ dişlәrini
göstәrib gülümsәdi.
Qoca daha baxmadı... Damı qırlayıb qurtarandan sonra tәlәsmәdәn
düşüb onların yanına gәldi. Oğlan qızı göstәrәrәk:
– Usta, tanış ol, – dedi.
Qız qocaya yaxınlaşdı, altdan-yuxarı ona baxıb әlini uzatdı. Qoca onun
balaca, tәmiz әlini әzәcәyindәn qorxurmuş kimi astaca sıxdı. Qız gülüm -
sәyәrәk adını dedi.
Qoca qәlyanını çıxardıb odluğunu tәmizlәyә-tәmizlәyә qızdan soruşdu:
– Harada işlәyirsәn?
– Tәzә tikilәn kinostudiya binasında, – deyә oğlan qızın әvәzindә cavab
verdi, – elә işdәn birbaşa bura gәlib.
Qız isә yenә әllәri arxasında qocaya baxaraq biaram gülümsәyir vә
190 sanki onun daha nә deyәcәyәni gözlәyirdi.
Lakin qoca daha heç nә soruşmadı. Oğlan pencәyini götürәrәk:
– Yaxşı, usta, – dedi, – tay bir işin yoxdursa, biz gedәk.
– Gedin.
Oğlan tәrәddüd içindә ona daha nә isә demәk istәdi, lakin heç nә
demәyәrәk, geri dönüb qızla birlikdә getdi.
– Rәşid! – deyә qoca arxadan sәslәndi vә oğlan geri çevrildikdә, әli ilә
yaxınlaşmasını işarә elәdi.
Qoca cibindәn bir üçlük çıxarıb xәlvәtcә oğlana verdi.
Oğlan qara gözlәri ilә gülümsәyәrәk soruşdu:
– Bәyәm almısan?
– Yox, hәlә almamışam.
– Sağ ol.
Oğlan çevrilib yüyürәrәk qıza çatdı.
Bundan sonra hәr gün işin axırında, saçlarına qırmızı lent bağlamış o
qız gәlir vә oğlanla gedirdi... Qoca, oğlandan heç nә soruşmurdu. “Lazım
olanda özü danışacaq.”
... Lakin bu qız peyda olandan bәri qoca tamam bir xәyal alәminә
dalmışdı. O, demәk olar ki, hәr gün şagirdinә necә toy edәcәyi, sonra әgәr
oğlanları olarsa, ona usta Qaranın adım qoyacağı barәdә düşünürdü. Hәr
gün, bu gәlәcәk gәnc ailә bütün aydınlığı ilә qocanın gözlәri qarşısında
canlanırdı. O, bu mәhәllәdәki evlәrin qırını tәzәlәyәndәn sonra nә qәdәr
pulları olacağını dәfәlәrlә haqq-hesab edir, toy üçün alacağı şeylәri bir-bir
gözünün qabağına gәtirirdi.
Oğlanın xәbәri olmadan qoca tәmir idarәsindәn әlavә sifarişlәr qәbul
edirdi... Lakin bir istirahәt günü onun heç gözlәmәdiyi bir әhvalat oldu.