Page 69 - "Zəfər və ilğım"

ala qarşı vannanın qapısını döydü – bәlkә, nәsә olub? 69
Vannadan çıxan Lüsya elә xalatdaca növbәtçinin yanına
gedib, şüşәaçan istәdi. Yuyunub әtirlәnmiş Alisa otağa gә-
lәndә, artıq stol hazır idi. Qızlar çoxdan dostluq edirdilәr,
aralarında heç bir sirr yox idi. Alisa rәfiqәsinin kefsiz oldu-
ğunu görüncә, bildi ki, nәsә xoşagәlmәz bir hadisә olub.
Ancaq Lüsya bu barәdә ona heç nә demәmişdi.

– Ay qız, sәnә nolub? Komissarjevskayanın Teatrında
neylәyә bildin? Üzündәn görürәm ki, hәr şey bizә danışdığın
kimi deyil.

– Neylәyә bilәrdim, mәnim başıma… nә oyun açdığını
uşaqlara danışası deyildim ki?

– Yox, onu demirәm. Sadәcә, görürәm ki, özündә deyilsәn,
nә olub?

– Dayan, gәl içәk. Yoxsa bu saat kaftar kimi ulayacağam.
Onlar şәrab içib, üstündәn üzüm yedilәr.
– Xәtrinә dәydi? Yoxsa sәnә gözü düşüb? – Alisa qәtiy-
yәtsiz sәslә soruşdu.
Lüsya şәrab stәkanını boşaldıb, gözünü pәncәrәdәn bayıra
zillәdi.
– Bilmirәm, mәn adamlarda niyә belә tәәssürat oyadıram;
tamaşa bitәr-bitmәz o, mәni öz kabinetinin yanındakı otağa
çәkdi vә…
Bu açıq-saçıq söhbәti eşidincә, Alisa üzünü turşutdu vә
kurs yoldaşına qıyqacı nәzәr saldı.
– Tamaşanın bitmәsini dә gözlәmәdi? Dәrhal girişmәyә
başladı? – Alisa diqqәtlә Lüsyanın sәliqәylә daranmış
şabalıdı saçlarına, iri, yaşıl gözlәrinә, makiyajsız, solğun
sifәtinә baxdı.
– Mәnim göstәrdiyim sәhnәlәr onun vecinә dә deyildi! –
Lüsya ucadan cavab verdi. – O, öz aktyoru Maltsevi “kömәyә
görә sağ ol” deyә tәlәsik otaqdan çıxardı, mәnimlә tәk
qalmaq istәyirdi. Kabinetinin arxasında kiçik bir otaq var,
divarları çılpaq qadın şәkillәri ilә doludur. Ona dedim ki,