Page 273 - "Yeni söz"

nə baxıb əllərini göyə qaldırır. Ulucay Akif. Şeirlər
Qaz sobasında çaydan cızıldayır,
Hövsələsi çatmayanlar kanalı çevirir.
Başqa evdə isə bir şəhid anası
Həmin o çaydanı devirir.
Elə bil çaydana da güllə dəyir.
Qapağı bir tərəfdə, suyu döşəmədə.
Ayaqları yox, ürəyi yanır ananın.
Su buxarlanır,
Çaydan cızıldayır.

Unudulmuş qəbirlər

Unudulmuş qəbirlərə bax hərdən,
Axır-əvvəl səni də bu gözləyir.
Barışmaqdan başqa, nə gəlir əldən,
Axır-əvvəl məni də bu gözləyir.

Əyiləcək nə zamansa başdaşın,
Ot basacaq məzarını, gorunu.
Ya nazir ol, ya istəsən, daş daşı,
Dünya qəbirləri yaxşı qorumur.

273