Page 240 - "Yeni söz"

nc yazarların ədəbiyyat almanaxı

kağız üzlüklərdir,
paltar yığınıdı,
kitab qalasıdı...
Heç vaxt balıq qızartmadığım
qaz sobasıdır...
Özümlə aparıb-gətirdiyim
mehmanxana havasıdı
sənsiz...

Yaxındayam, balıqçı,
gəlirəm,
atıram özümü dənizə –
balıq olmağa...
Heç yana aparmazsan,
heç kəsə satmazsan...
Ya atarsan,
ya tutarsan...
Torunda məni görüb sevinsən…
bəsimdi...

Aynur üçün

Qızım, paltarını yığ, yığış, gedək,
daha buralarda bir işimiz yox.
Bizim indimiz yox, keçmişimiz yox,
bircə yolumuz var, o da gələcək.

Biz güclü deyilik, zəifik, zəif,
gələr üstümüzə daşla adamlar.
Baş aça bilmərik nə istəyirlər
Bu cavan adamlar, yaşlı adamlar.

240