Page 210 - "Yeni söz"

nc yazarların ədəbiyyat almanaxı

gəlişin nə möhtəşəmdi
Eliziyanı tərk edişin yəni…
yumruğun boydadımı sənin də ürəyin?
qəzəbin boydadırmı?
bilirsən, dəniz qədər böyükdür
olmamağın…
eyni şəhərdə, iki ayrı hücrədə yaşamaq
əslində yaşaya bilməməkdi
təngnəfəs olmaqdı…
…həm də
yaşamaqdı
ondan getməyin,
mənə gəlməyin
…və məndə qalmaq istəyin

Rafiq Tağıya...

Biz üç dost içib-içib ağladıq gecədən bəri
yemədik, yatmadıq
udum-udum hava diləndik, nəfəs diləndik
boğazımıza sarılan əllərdən
qopa bilmədik, bilmədik
evimizdəki bütün bıçaqları danladım səhərə qədər
“olmaz, – dedim –
adamın ürəyinə batmaq olmaz”, – dedim...
bütün əllərə nifrət elədim...
biz üç dost udum-udum hava diləndik, nəfəs diləndik
səhərə qədər
içib-içib ağladıq...
əşyaları yerə çırpdıq, ortalığı dağıtdıq.

210