Page 188 - "Yeni söz"

nc yazarların ədəbiyyat almanaxı

Çırpınır yazıq ruhum
Qəfəsində quş kimi.
Çırpınır dənizlərdə
Batmış əzizim kimi.

Boğulur… yox iradəm
Ruhumu çıxarmağa.
Ağlamaq istəyirəm,
Gücüm yox ağlamağa.

Əllərim gücsüzləşib
Ağrım gözümdə donub...
Pozuldu bu hekayə,
Yazmaq çətindi onu.

Pozuldu bu hekayə,
“Yox” deyib qışqırsam da.
Səsim təpərdən düşüb
Ağzım zəhər dadsa da.

Nə dəyişdi qəfildən?
Qışmış demə, qar yağır…
Sən demə, şaxta imiş
Nə biləydim mən-fağır?

Yarpaqlar da tökülür…
Toran basır gündüzü.
Niyə inanmıram bəs?
Niyə?.. Bilmirəm, özüm.

188