Page 355 - tomas

Uzaqlardan və yaxından
görünürdü. Onu gördüyü, sәrt sәsini eşitdiyi andaca hәmişә
yuxarı qaldırdığı әlindә cәsarәt, azadlıq, hәrarәt, mehribanlıq
duyduğu qadının obrazı zülmәtә gömüldü.

Maşinist, qadına kim olduğunu, nәyә görә gәldiyini izah
elәmәyә çalışsa da, sәsi özünә süni, ölgün gәlirdi. Amma dili
dolaşa-dolaşa, әvvәlki sevincini boğub ürәyini sıxan, hәvәsini,
ümidini ayıb, miskin bir şeyә çevirәn ağır tәәssüf, çaşqınlıq,
inamsızlıq hissiylә inadla çarpışa-çarpışa danışmaqda davam
elәyirdi.

Axır ki, qadın açıq-aşkar hәvәssiz halda onu evә dәvәt
elәyәrәk qaba vә ciyiltili sәslә qızını çağırdı. Maşinist әzab çәkә-
çәkә bir müddәt miskin, balaca qonaq otağında oturdu. Danışmağa
çalışır, qadınlarsa küt, anlaşılmaz kinlә ona baxır, tutqun
çәkingәnliklәrindәn qorxu sezilirdi.

Nәhayәt, anlaşılmaz tәrzdә vidalaşıb yerindәn qalxdı. Cığırla,
sonrasa yolla şәhәrә tәrәf gedә-gedә qәfildәn anladı ki, qocalıb.
Bәzәn irәli qaçaraq tanış әnginliklәrdә әriyәn rels zolaqlarına
baxanda fәdakarcasına döyünәn ürәyi indi ona yad vә qәribә
gәlәn bu yerlәri görәndә qәfil şübhәdәn, qorxudan zәiflәdi.
İndiyәdәk ona elә gәlirdi ki, hәr zaman әlini toxundura bilәr,
amma bu yerlәri heç vaxt görә, tanıya bilmәmişdi. Sonra hiss
elәdi ki, geridә qalan yolların, bәrq vuran relslәrin gözdәn itdiyi
әnginliklәrin sehri, arzularından vә ümidlәrindәn doğulmuş bu
rahat, mehriban kainatın onun gözünә görünәn guşәsinin sehri
hәmişәlik itirilib.

355