Page 389 - XX yuzilin Norvec hekay?si_Layout 1

Yusteyn Qorder

Ətraf sakitlik idi, qulağına heç bir səs dəymirdi. Qadın
mələfənin qoxusunu hiss elədi. Amma burda şnur yox idi ki,
lazım olanda dartasan. O çağırdı, amma cavab gəlmədi, səsinə
hay verən olmadı.
Bəlkə, heç çağırmayıb, sadəcə özünə belə gəlib?
Yox, o, ölü deyildi. Bu vəziyyətdə ölü olmaq mümkün deyil.
Elədə səni arfa sədaları altında qarşılayardılar. Hər halda,
qarşılayardılar...
Bir başqası deyildisə... onda çox da önəmli olmayan
hansısa ikincidərəcəli funksioner.
Ya bu, ya da sadəcə yoxa çıxırsan.
Yox, o, ölü deyil! O, burada idi, üstəlik də, iki döşü vardı.
Bir cüt döş, bir cüt döş! Onları gizlətmək üçün heç bir protez-
filan da yox idi...
DOĞRUDANMI BU YALNIZ YUXUYDU? Bəyəm yuxu iki il
davam edə bilərdi?
Bu barədə hardasa oxumuşdu. Hə, yuxuda saat saniyə
kimi keçə bilər. Bəs əgər iki saat yatıbsa? Görəsən, bir saatda
neçə saniyə var? Bəs bir ildə neçə saat olur?
O hətta sayını da itirib: kimya terapiyası – yuxu ola bilməz,
yuxuya girə bilməz. Saçın tökülməsi də, bərbərxanada
keçirdiyin saatlar da yuxuya girə bilməz. Bu – mümkün deyil.
Eləcə də hər şeyin alt-üst olması, hikkə-qəzəbdən evinin viran
qalması, Yuakimin hər saat böyründə uzanıb ağlaması. Yox, 389
bunlar yuxuya girə bilməz... Bütün ömür tək bircə yuxunun
içində – yox, mümkün deyil.
Yoxsa bu, sənin, həqiqətən, elədiyindir? Kimya terapiyası
və saçın tökülməsi... Ola bilərmi ki, tək bircə yuxu sənin bu
qədər köklü şəkildə təzədən qurduğun həyatın altını üstünə
çevirsin, onu tar-mar eləsin?
Ona hər şeyi YENİDƏN yoxlamaq lazımdı. Hə, səhv etmə -
mək üçün. Qəşəng döşlərinin hər ikisi yerindəydi. Bir döşü o
birindən bir az böyükdü, amma elə əvvəldən beləydi.
Əlini sürtsən, dərində heç bir nahamarlıq hiss etməzsən,
limfa düyünləri kəsilib atılandan sonra qoltuğun altında bir
dənə də sərt çapıq yoxdur....
İndi onun yumşaq rezindən sanki məxməri çiçəkli almaya
bənzər bir cüt yetişmiş baraması vardı. Çiçəkləri nazla sıxanda
ürəyi daha bərk döyündü. Axı bu Yuakim hardadı, görəsən?