Page 154 - dailan

iya Elena Valş

Bәlkә, Kral Poçoklo yanılır vә elә çıxır ki, heç onun
fili Dailan Kifkinin anası deyil, onda necә?

Lakin mәn fikirlәşdim ki, әgәr o, bundan әmin
olmasaydı, bu qәdәr uzun mәsafәni durub gәlmәzdi.

Nәhayәt, bütün ölkәlәrin bayraqları ilә bәzәdilmiş
zooparka daxil olduq.

Yenә top atәşlәri, alqışlar, qışqırıqlar, salamla-
malar, doğranmış kağız vә lent yağışı әtrafı bürüdü.

Boyskaut qrupunun ritmlәri altında tәntәnәli şәkildә
rәsmi kürsüyә yaxınlaşdıq. Kürsünün yanında Dailan
Kifkinin qızıl yәhәrlә bәzәnmiş anası ciddi sima ilә
dayanmışdı.

Dailan Kifki onu görәn kimi heyәtimizin sırası,
mәrasimin tәntәnәsi, bu ana qәdәr riayәt etdiyimiz
ardıcıllıq – hamısı baş-ayaq oldu.

Sanki ona iynә batırdılar. Güllә kimi kürsüyә tәrәf
qaçdı vә orada anası ilә qucaqlaşıb, sevincindәn xor-
tumundan gur şeypur sәslәri çıxarmağa başladı.

Ana-bala bir saat xortumları ilә bir-birini
qucaqladılar. Bir-birinin qulağına üfürә-üfürә danışır
vә xoşbәxtlik әlamәti olaraq, qulaqlarını dik
qaldırırdılar.

Sonra rәsmi çıxışlar başladı. Sizi yormamaq üçün
bu hissәni keçirәm. Axırda meymunların qәfәsi
qarşısında hamıya medialuna ilә şokolad verildi.

Hәmin gün bütün ölkәdә bayram günü elan
edilmişdi.

Mәrasim bitdikdәn sonra qәrara aldıq ki, hәr kәs
öz evinә qayıtsın vә әsl baş sındırmalı mәsәlә hәmin
an meydana çıxdı.

Heç kim bu barәdә düşünmәmişdi. Belә müşkül
problemin hәll yolu heç kәsin ağlına gәlmirdi.

Dailan Kifkini artıq anasından ayıra bilmәzdik, elә
deyilmi?

154