Page 153 - dailan

Dailan Kifki

48
Ertәsi gün, yәni Dailan Kifkinin şәrәfinә mәrasim-
lәr keçirilәn o şanlı gün top atәşlәrinin sәsinә oyandıq.
Yerimdәn qalxdım vә bağçaya filimi çimizdirmәyә
getdim. Kral Poçoklo bu tәntәnәli gündә filimә
geyindirmәk üçün hәdiyyә kimi dәbdәbәli paltarlar
göndәrmişdi.
Onların arasında qızılı rәngdә mәxmәr parçadan
yәhәr, başından vә qulaqlarından asmaq üçün saçaqlı
kәndirlәr vә fәxri kosmonavt dәbilqәsi var idi.
Dailan Kifkini bu dәbdәbәli libaslarla bәzәmәkdәn
öncә Roberto onu çimdirmәyә kömәk etdi.
Sonra biz әn yaraşıqlı paltarlarımızı geyinib qapıya
çıxdıq. Orada son günlәri bir yerdә keçirdiyimiz in-
sanlar artıq bizi gözlәyirdi. Elә bәzәnmişdilәr ki,
onları tanımaq olmurdu.
Baba patrisi әsgәri uniforması geyinmişdi. Kim
bilir, bu uniformanı hansı muzeydәn tapıb çıxarmışdı.
Xalam Klodomira mavi rәngdә tül geyinmişdi.
Atamın әynindә tәzә ponço var idi.
Televiziya operatorları, jurnalistlәr, fotoqraflar,
dondurmasatanlar vә әtrafdakı maraqlıların sayının
dәfәlәrlә artdığını demәyә dә ehtiyac yoxdur.
Zoopark yaxında olduğu üçün piyada yola düzәldik.
Dailan Kifki hamıdan qabaqda gedirdi.
Boyskaut qrupunun çaldığı yavaş vә әzәmәtli marşın
ritminә uyğun asta-asta irәlilәyirdik.
Zooparkda bizi yüksәk vәzifәli rәsmilәr vә öz
heyәti ilә birlikdә Kral Poçoklo gözlәyirdi.
Lakin bir mәsәlә var idi ki, mәni qabaqcadan çox
hәyәcanlandırırdı: görәn, Dailan Kifkinin anası ilә
görüşü necә olacaq?
Axı Dailana bu barәdә heç nә demәmişdik.

153