Page 493 - "Azərbaycan ədəbiyyatı antologiyası" (Poeziya)

Nisÿ Bÿyim

Bir ağac yarpaq idik, 493
Tez açılıb – töküldük…
Buludların bәhsinә,
Göz yaşına büküldük…

Qәlbimiz danışanda
Sözdәn-sözә yazıldıq…
Sevginin güzgüsündә
Gözdәn-gözә asıldıq…

Günәşlә sabahlayıb,
Yağışlarla yazladıq…
Külәklәrә qoşulub
Xәzanla payızladıq…

Yalqızlaşan budaqlar
Başqa bahar gözlәdi…
Zaman öz tәnhalığını
Tәzә cildlә üzlәdi…

Bir ömrü qabıq-qabıq
Soyaraq yarpaqladıq…
Sonra bu çılpaqlığın
Üstünü torpaqladıq…