Page 258 - "Azərbaycan ədəbiyyatı antologiyası" (Poeziya)

Azÿrbaycan ÿdÿbiyyatû antologiyasû

Sağlığında qiymәt verin
insanlara...

Bir arzum var, ay adamlar,
qoyun deyim,
Sağlığında qiymәt verin insanlara,
Yaxşılara sağlığında yaxşı deyin,
Sağlığında yaman deyin yamanlara.

Yalnız, yalnız sağ olanda,
Hәr kәs әsl qiymәtini bilәr onda;
Bu sözlәrim düz olmasa
töhmәt edin.

258

Sizdәn rica elәyirәm milyon kәrә,
Şairlәrә sağlığında hörmәt edin,
Sağlığında heykәl qoyun ölmәzlәrә...
Gәlәcәyә çox da ümid bağlamayın,
Sözünüzü sonralara saxlamayın.

Zәhlәm gedir sonralardan,
Vaxtsız dinәn zurnalardan,
Boşboğazdan, avaradan,
Toydan sonra nağaradan.
Sağlığında sevindirin tәmizlәri,
Siz hәyatda bu amalla addımlayın.
Sağlığında ifşa edin xәbislәri,
Satqınlara sağlığında satqın deyin,
Tülkü deyin tülkülәrә,
aslan deyin aslanlara;
Sağlığında qiymәt verin insanlara...

Hәr kәs bilsin öz yerini
necә sağdır,
Bu, pislәrin hәyatını qısaltmaqdır,
Yaxşıların hәyatını uzatmaqdır...
Bu nәdәndir ölәn kimi, qәlbimizdә
Adamlara sevgi, hörmәt aşıb-daşır.