Page 74 - Design_Zakir_Fakhri_Poems_FULL_Layout 1
P. 74
Zakir F XRİ Zakir FAKHRI
SƏNSİZ
Tәki sәn xoşbәxt ol, sәn xoşbәxt yaşa,
Bir daha demәrәm “ölәrәm sәnsiz”,
Ömrümü birtәhәr vuraram başa,
Yaşayıb keçinә bilәrәm sәnsiz.
Ataram qәlbimdәn qüssә, qәmi dә,
Yaşaram vәslinә yetmiş kimi dә.
Bir içim suyu da, son tikәmi dә
Sәninlә şәrikli bölәrәm sәnsiz.
Söylәrәm dost, tanış-bilişlәrinә,
Qurbanam bu yerә gәlişlәrinә.
Hәyatda uğurlu gülüşlәrinә
Ürәkdәn şәrikli gülәrәm sәnsiz.
Çalınar kәdәrim sarı sim kimi,
Gәl çilәn ruhuma tәbәssüm kimi.
Mәzara baş çәkәn bir yetim kimi
İlk görüş yerinә gәlәrәm sәnsiz.
Zakir Fәxri, hicran boş yuvam olub,
Yaşaram gah gündüz, gah axşam olub,
Pәrvanә soraqlı dilsiz şam olub,
İçimdә ney kimi mәlәrәm sәnsiz.
74
