Page 160 - Design_Zakir_Fakhri_Poems_FULL_Layout 1
P. 160
Zakir F XRİ Zakir FAKHRI
bәlkә, günah işlәtmişәm.
Çal, günahlarla oynayım!
Çal, aşıq, çal,
bu, bir sondu...
Anamın ruhu enib
çiynimә qondu,
ruhu boynuma dolandı...
Belә müjdә
tәkәm-tәkәm olandı.
Çal, anamın ruhuyla oynayım.
Çal, nәvәlәrin
sabahıyla oynayım!
Çal, aşıq, çal,
qol götürüb
dağ döşündә
yamaclarda
sevә-sevә dәrdiyim,
yarıma göndәrdiyim
hәr çiçәyim,
hәr gülümlә oynayım.
* * *
Çal, aşıq, çal,
son kәrә qol götürüm.
Ölüm dә bir çiçәkdi,
çal, ölümlә oynayım!
Ölüm haqdı,
haqq adlı
sevgilimlә oynayım!
160
