Page 134 - Design_Zakir_Fakhri_Poems_FULL_Layout 1
P. 134
Zakir F XRİ Zakir FAKHRI
DUPDURU SULAR DA
BULANDI…
Tikdiyin qalanın özülü uçdu,
Daşı daş üstünә qalandı, Xalıq!
Bilirdin dünyanın axırı puçdu,
Bilirdin ki, dünya yalandı, Xalıq!
Dәyәrlәr әridi, bir-bir aşındı,
Var-dövlәtin torba-torba daşındı.
Daşınanlar öz torpağın, daşındı,
Baxanda gözlәrin sulandı, Xalıq!
Yüz yol sinәnә vur, yaxanı yırt da,
Öz içindәn yeyәr meyvәni qurd da…
Gör nәlәr yaşandı qurduğun yurdda,
Sağdan da, soldan da talandı, Xalıq!
Qocalıq yetişdi, nәfәs tәntidi,
Dövran ömür biçәn bir kәrәntidi…
Xoş gün, xoş güzәran bir görüntüdü,
Düz yolun son ucu dalandı, Xalıq!
Zakir Fәxri, var üstündә yarışdı,
Nәfslәr milçәktәk bala darışdı...
Halal, haram bir qazanda qarışdı,
Dupduru sular da bulandı, Xalıq!
134
