Page 102 - Design_Zakir_Fakhri_Poems_FULL_Layout 1

Zakir F XRİ Zakir FAKHRI

* * *
Gözlәrim çinar ağacına dikilib. Ağacın dibindә
әlindә “raqatka” budaqlarda sәrçә axtaran balaca
Zakiri gördüm. Qayğısız, ağrısız, içi hәyat eşqi
ilә dolu...
Dünyaya sevgiylә, nәşә dolu gözlәrlә baxan
Zakirlә üz-üzәyәm. Gözlәrimin yaşını saxlaya
bilmirәm. Ona tәrәf addım atmaq istәsәm dә,
ayaqlarım getmir. Qulaqlarımda Cәlalәddin Ru-
minin sözlәri sәslәnir:
“Dünyaya nәşә dolu gözlәrlә baxma:
İlanın kürәyini gözәl naxışlar bәzәyәr, zәhәri
isә öldürәr...”
“Bağışla, – deyirәm, – qal burda, bizi ayıran
ayırıb bir-birimizdәn, bu, çarәsiz ayrılıqdı. Sәnә,
sәnin dünyana qayıtmaq istәrdim, amma olmaz
deyirlәr, sәnlik deyil deyirlәr, eşidirsәnmi?”

Yazmasaydı Yaradan, dәrdә rәsul olmaz idim.
Dәrd mәnә şah, mәn ona zәrrәcә qul olmaz idim.

Fәxri, günah evidi dünya, günah, yoxsa ki, mәn.
Yuyunub göz yaşında, gündә qusul almaz idim.

Pıçıltıyla danışıram: “Sәn elә belәcә dә qal,
heç olmasa, birimizin çiynindә yük olmasın.
Tabutun altına girmә, dünya boyda yükü var.
Bu dünyada ayaq qoymağa yer yoxdu, qalmayıb,
ayaq qoyduğum hәr yer iynәdi... Eşidirsәn?..”

102