Page 78 - "Kişi, qadın və çətir"

KİŞİ, QADIN VƏ ÇƏTİR

***
Ey Haqq Tanrı! Yalvarıram sənə mən!
Gəl mənə lütf elə –
Parçala hemoqlobinimi,
Dəyiş xlorofillə.
Rədd edə bilərəm başımdan onda
öz rəislərimi, kollektivimi,
yüz iyirmi rublluq məvacibimi.

Duraram yanaşı eyni cərgədə
78 çiyin söykəyərəm qan qardaşlarıma –

palıda, ağcaqayına, göyrüşə.
Onların yanında bir az su içib
Tutaram üzümü günəşə –
İnsan kimi boyunduruq altında
qazandığımı
Günəş fotosintez yoluyla verər mənə.

dayanıb-duraram yamyaşıl və pak,
alyanaq qızlara göz də vuraram
bitki varlığını qınayanları
biganəliyimlə susduraram...

Ey adil Haqq! Göstər kəramətini!