Page 46 - "Kişi, qadın və çətir"

KİŞİ, QADIN VƏ ÇƏTİR

Axı bircə ay qabaq
çəkilmişdi o şəkil,
yazılmışdı o yazı...
Axı bu sabah-sabah
bütün qırmızı güllər yox olmuşdu ha-
rasa...
Görən, nə möcüzəydi,
görən, axı nə işdi?!
Bəlkə, oğlan gedib o qızılgülü
başqa qıza çəkmişdi...

46 Acı siqaret

Tüstü
qəsdinə durmuşdu qadının –
burula-burula,
boynuna sarıla-sarıla
qollarından süzülüb axır,
heç cür tapa bilmirdi qapını.

Unutmuşdu qadın
soyuqdan donduğunu,
Eşidirdi
bəyaz qar dənələrinin
barmağına necə ehmalca qonduğunu.

Üşüyürdü,
uzun sürən savaşın
daim məğlubiyyətlə bitdiyini
düşünürdü.