Page 112 - "Kişi, qadın və çətir"

KİŞİ, QADIN VƏ ÇƏTİR

112 Ariyalar

1.
Buludların ağ quzuları
nizamsız sürüylə
şərqə tərəf gedəndə
biz gedirik günəşə tərəf

Fəvvarələrin soyuq suları
atların dırnaqları altında buğlanır

Axşam günəşi
qırmızı üzüm salxımı kimi asılır
sarı kərpicdən hörülmüş
qüllələrin gürzlərindən

külək bağların ətriylə doldurur
şəhərin susqun meydanlarındakı
yüngül kətan çadırları

ayın işıqlandırdığı xəlvətlərdə
qadınlar yavaş-yavaş
çıxırlar dar alt paltarından

azadlığa çıxmış ağ bədənlər
ağ ayaqlarla
sonsuz gecəni tutmağa çalışır
kürəyimizdə hörə-hörə
o ağappaq ayaqları