Page 111 - "Kişi, qadın və çətir"

lz ÇAĞDAŞ UKRAYNA ŞEİRİ

Liverpulluların mahnısı səslənəndə 111
bir də sinəndə gəzəndə əllərim
gözlərində ehtiras oyanır sənin
kirpiklərin rəqs eləyir

anlayıram ki
bu mahnı nədən bəhs eləyir:
şabalıd ağaclarından su damcılayanda
şəhərin canlanmasından
işdə üzümüzün danlanmasından

mənim qucağımda vidalaşarkən
sevgidən danışırsan
amma yəqin ki bir-birimizi
heç vaxt görməyəcəyik daha
sabah sən
səni mənə verən şəhərin
səs-küyündə itəcəksən

ayrılıq anında pırtlaşıq saçların
küləklə dağılıb bədəninə sarmaşır
indi o bədən mənə yox
liverpulluların bu yanğılı
mahnısına məxsus