Page 198 - Turk_Edebiyyati_Antologiyasi
P. 198
Türkiyə ədəbiyyatı antologiyası
198
Göz yaşlarından sonra gәlәn xatirәlәr kimi
Ruha damcılayan mavi ulduzları görmәk.
Görmәk, bir kor kimi içindәn görmәk,
Əllәrә dәyәn mәnzәrәlәri.
Vә yenә bir kor kimi әllәrlә yoxlayaraq
Görmәk çiçәklәri, görmәk baharı.
Görmәk qızılı quşları ki, uçar şeirlәrdә,
Vә parlayar vәzn kimi ruhun havasından keçәrkәn.
Görmәk mәsafәlәrdә qәlbi,
Vә görmәk güzgülәri, “yaşayırammı” deyәrkәn.
Uzaqdan keçәn bir qayıq ki, bәmbәyaz,
Bәmbәyaz görmәk әngini, bir sәs qәdәr.
İçindә vücudunu hiss edәrәk
Görmәk bir mәzarı hәr kәs qәdәr.
Görmәk bir durbinin tәrsiylә uzaqdan,
Bir bağça, bir heykәl, bir hovuz.
Görmәk, dәrin dәnizlәrdә üzәn kimi görmәk,
Mavi şәfәqlәri ki, eşq qәdәr sonsuz.
Görmәk, uşaqlığın yataqları qәdәr isti hisslәrlә
Ən uzaq xatirәlәrin әn gözәl yerini.
Görmәk, keçib gedәn bütün hәyatı görmәk,
Vә düşünmәk sәni, düşünmәk sәni…
OYUN
Kaş oynayaq
Biri ulduz ola,
Biri mәn olam.
