Page 363 - Tarey Vesos_Макет 1

Qışın son günləri
– Yәqin ki. Bilmirәm.
– Әlbәttә. Sәn nә bilirsәn ki! – qız kәskin tәrzdә onun sözünü
kәsdi.
– Bilmәk dә istәmirәm, – oğlan davam etdi, sanki qız onun
sözünü kәsmәmişdi. – Amma indi hәr şey dәyişib, – әlavә etdi.
– Sәn niyә getmirsәn?
– Sәnә baxmaq istәyirәm. Mәnә elә gәlir, sәni ilk dәfә gö rü -
rәm. Hәr şey necә dә qәribәdi.
Oğlanın sәsindә nәsә bir tәnhalıq var idi.
– Doğrudan, qәribәdi, – qız cavab verdi.
Nәhayәt, oğlan:
– Sәnin üstünü tәmizlәyәndә әllәrim dondu, – dedi. – Tamam
qar içindәydin.
– Doğrudan? – sanki qızın ürәyinin sarı siminә toxunmuşdu.
Әlavә nәsә demәk lazım idi. Hәr ikisi hiss elәyirdi ki, susmaq
olmaz. Vә oğlan dedi:
– Olarmı әllәrimi isidim?
– Yox, – qız tez-tәlәsik cavab verdi.
– Yaxşı, anladım.
Qız özünü saxlaya bilmәyib:
– Bayaq necә dә yaxşıydı, – dedi.
Oğlan gözlәrini qırpmadan ona baxırdı. Fikirlәri bir-birinә
qarışmışdı. Qәflәtәn qızın içindә bir nәvaziş hissi oyandı. Utana-
utana:
– Qar lap yaşdı – dillәndi.
Oğlan baxışlarını ondan çәkib:
– Hә, elәdi, – dedi.
Doğrudanmı bu dәqiqә dönüb gedәcәk? Әlbәttә, o, inadkarlıq
göstәrmәsәydi, oğlan getmәzdi.
Qız titrәk sәslә:
– Gedirsәn? – soruşdu.
Oğlan nәsә mızıldandı vә ardınca üzücü sükut yarandı. Yox,
o getmәmәlidi.
– Dedin ki, әllәrin donub, – qız yenidәn titrәk sәslә dillәndi:
– Hә, nә olsun? – oğlanın eyni açılmışdı.

363