Page 212 - Danilenko

Vladimir Danilenko

başına ağ yaylıq bağlamışdı. Kölgәdә uzanmış it dilini çıxarıb

lәhlәyirdi. Busol Joranı görәndә hirsindәn qıpqırmızı oldu,

yerdәn kәsәk götürüb, bağa tәrәf tolazladı. Kәsәk alma

ağacının çәtirinә dәydi, Lapayın başına toz-torpaq әlәndi. İt

qabaq pәncәlәri ilә torpağı cırmaqlayaraq, qәzәblә hürmәyә

başladı. Lapay üst-başının tozunu çırpıb, barıya yaxınlaşdı.

Onlar göz-gözә gәldilәr, bir an sonra Jora atılıb, barıdan aşdı;

Busolla Jora әlbәyaxa oldular. Belәcә, süpürlәşәrәk xәndәyә

yıxıldılar.

– Br-r-r-r! – Kolya dayının qәzәbli sәsi vә at fınxırtısı

eşidildi. – Pulu sizә xәndәkdә bir-birinizin boynunu sındırmaq

üçün vermişәm? Ayağa qalxın! Sәn dә, – üzünü Lyuskaya

tutdu, – marş evә!

Pәrt olmuş Lyuska evә doğru qaçdı, Lapay isә, motosikle-

tini işә saldı. “Yava” kәndarası yolda toz qopararaq, tezliklә

gözdәn itdi.

Bazar günü Turovetsdә bayram әhvali-ruhiyyәsi hökm

sürürdü. Hamı hәyәcanlıydı, sanki Kiyevin “Dinamo” vә

Moskvanın “Spartak” komandalarının qarşılaşmasını seyr

etmәyә hazırlaşırdılar. Kotelnyadakı oyun göstәrirdi ki, Kolya

dayının pulları әbәs yerә xәrclәnmәyib – Feldblyum öz işinin

öhdәsindәn gәlirdi. Öz sahәsindә oynadığı üçün Turovets

komandası müәyyәn üstünlüyә malik idi. Hakimi Berdiçevdәn

çağırıb gәtirmişdilәr.

Oyun axşam saat beşdә başladı. Stadionda adam әlindәn

tәrpәnmәk olmurdu. Hәr yerdә atlar, velosipedlәr, motosik-

letlәr, minik maşınları, avtobuslar gözә dәyirdi. Turovets, Slo-

bodka, Moşkovka, Buymira, Qrabovka, Rudnya, Smolovka,

212 İvnitsa, Tarasovka, İvankov, Mlıniş, Volosov, Starı vә Novı
Kotelnyadan azarkeşlәr tökülüşüb gәlmişdi. Hәmişә sәrxoş

gәzib-dolaşan Lıqun belә, bayram paltarını geyib, tribunada

özünә yer elәmişdi. Әlindә meqafon tutmuş Limont oyunu

şәrh etmәyә hazırlaşırdı – o qәdәr çox adam toplaşmışdı ki,

meydançanı hamı görә bilmirdi. Mәn, Sanya, Valik vә Lyodzik

әvvәlcәdәn özümüzә yer tutmuşduq, meydanda baş verәnlәri

yaxşı görürdük.