Page 1076 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

fikirlәşirdi: “Yazıq biabır olajax...”
Sәn demә bu, Sabirin bir dәfә Bakıda, dәniz kәnarında mindiyi karu -
seldәn deyilmiş; onun düymәsini basırdılar işә düşürdü vә on dәqiqәdәn
sonra özü dayanırdı – rele onun işini tәnzimlәyirdi – o, bunu nәzәrә alma -
mışdı.
Fırlana-fırlana qalmışdılar, onların işi Allaha qalmışdı, bir dә işıq
idarәsinә – işıq sönsәydi yaxalarını bu biabırçılığın әlindәn qurtara
bilәrdilәr; bu da dәryada balıq sevdasına oxşayırdı.
Üzüm yığımının qızğın vaxtı idi. Camaatı mәhsul yığımına sәfәrbәr
elәyәn ştab bu parkda yerlәşirdi. Bir azdan Rayon Partiya Komitәsinin bi -
rinci katibi Mahmud Mahmudzadә başda olmaqla, bütün partiya vә
tәsәrrüfat fәalları, prokuror, milis rәisi, hamısı bura axışacaqdı. Şәhәrin
işıqları Fatma ilә Sabirin xilas ümidi kimi yavaş-yavaş ölәziyirdi.
500 Fatmanın ara vermәdәn axan göz yaşları şәhәrin işıqlarının üstünә bir-
bir damcılayıb onları söndürdükcә rüsvayçılıq da yaxınlaşırdı.
Saat yeddiyә beş-on dәqiqә işlәmiş yoldaş Mahmudzadәnin “Qaz–24”
markalı xidmәt maşını parkın girәcәyindә dayandı. Onunla daban-dabana
gәlәn partiya tәsәrrüfat fәalları birinci katibi qarğa-quzğun kimi dövrәyә
aldılar. Heç kәs ona yaxınlaşıb әl vermirdi, hamısı bükülü vәziyyәtdә
gendәn salam verirdi, o da, bu salamları ağızucu yox ee, gözucu alırdı – özü
dә hamısınınkını bir dәfәyә. Onlar bu vәziyyәtdә parka daxil oldular.
Cütlük hәlә fırlana-fırlana qalmışdı...
Sәfәrbәrlik ştabının rәhbәri başqa adam olsa da, son sözü Mahmudzadә
yoldaş deyirdi:
– Maşınlar hazırdı? – Birinci katib soruşdu.
– Bәli, yoldaş Mahmudzadә. – Avtobazanın rәisi bir addım irәli çıxıb
tәzәdәn yerinә qayıtdı.
– Bu axşam raport vermәliyik ha, plan bu gün dolmalıdı.
– Bilirik, yoldaş Mahmudzadә.
– “Ukrayna” kolxozunda vәziyyәt nә yerdәdi?
Cütlük fırlana-fırlana qalmışdı...
– Şәkәrin dәrәcәsini qaldırdınız?
Cütlük fırlana-fırlana qalmışdı...
– Zavodu işә saldılar?
Cütlük hәlә dә fırlanırdı vә onlar partiya-tәsәrrüfat fәallarına fırlana-
fırlana baxırdılar. Partiya-tәsәrrüfat fәalları isә ancaq Mahmudzadә yoldaşa
baxırdılar – elә hәr cәhәtdәn.
Mahmudzadә bura yığışanların içindә әn boylu-buxunlu, gövdәli adam