Page 211 - anderson_Макет 1

Əlvida, Vaynzburq!

– Uğurlar sәnә, Corc! – aydın sәslә dedi vә sonra stansiyadan
uzaqlaşıb yoluna davam etdi.
Qatar stansiyaya yaxınlaşanda Corc içindә bir rahatlıq hiss
etdi. O, yeyin addımlarla qatara tәrәf getdi. Bu zaman Helen
Vayt da Corcla vidalaşmaq üçün onunla son dәfә danışmaq ümidi
ilә Meyn küçәsindәn keçib qaça-qaça stansiyaya tәrәf gәlirdi.
Amma Corc artıq qatarda yerini tutduğu üçün Helen Vaytı
stansiyada görә bilmәdi. Qatar yola düşәndә Tom Littl Corcun
biletini yox la dı vә ona gülümsündü. Corcu yaxından tanısa da,
onun hansı macә ra larla üzlәşәcәyini bilsә dә, heç nә demәdi.
Tom Corc kimi öz hәyatını dәyişmәk ümidi ilә şәhәrә köçәn
minlәrlә adam görmüşdü. Corcun biletini qeydiyyatdan keçirdikdәn
sonra başqa sәrnişinlәrә yaxınlaşdı. Siqaret çәkilәn kabinәdә
sәrnişinlәrdәn biri Tomu Sәndaski körfәzindә balıq tutmağa dәvәt
edirdi. Tom bu tәklifi qәbul etmәk vә hәmin adamla bu mәsәlә
haqqında әtraflı danışmaq niyyәtindә idi.
Corc kiminsә ona baxmadığına әmin olmaq üçün әtrafdakı
adamlara göz gәzdirdikdәn sonra pulqabını çıxarıb pulunu saydı.
Bu sәfәri qәrarlaşdırandan bәri әsas mәqsәdi başqalarının yanında
әfәl vә naşı adam kimi görünmәmәk idi. Corc yeni hәyatında
bütün davranış vә hәrәkәtlәrini atasının dediyi sonuncu sözlәrә
görә nizamlayacaqdı.
– Ayıq ol, Corc, – Tom Villard ona belә demişdi, – pulundan,
әşyalarından muğayat ol. Al, bu da biletin. Çalış elә et ki, heç kәs
sәnin xam adam olduğunu düşünmәsin.
Corc pulunu sayıb qurtarandan sonra pәncәrәdәn çölә baxdı
vә qatarın hәlә dә Vaynzburqda olduğunu görәrәk tәәccüblәndi.
Doğma kәndini tәrk edib hәyatın yeni macәraları ilә tanış
olmağa hazırlaşan Corc dәrin fikirlәrә qәrq oldu. Amma o, elә dә
böyük vә önәmli şeylәr haqqında düşünmürdü. Anasının ölmәyi,
Vaynzburqu tәrk getmәyi, şәhәrdә onu gözlәyәn namәlum tale,
hәyatına tәsir edәcәk әn önәmli mәqamlar indi Corcu bir elә
narahat etmirdi. Onun xәyalı tamam başqa şeylәrlә mәşğul idi.

211