Page 325 - "Zəfər və ilğım"

bimov. Aktyorların adından da kimsә nitq söylәmәliydi. 325
Samoylov yanında oturmuş Vısotskini, o da öz növbәsindә
Samylovun özünü dümsüklәmәyә başladı:

– İçimizdә әn yaxşı natiq sәnsәn, çәkinmә, dostum!
Samoylovun kefi ala buluddaydı, o qәdәr içmişdi ki, dili
söz tutmurdu. O, ayağa qalxdı vә Brejnevi yamsılayaraq,
teatrı isti qarşıladığına, ziyafәtә vә teatr sәnәtinә verdiyi
dәyәrә görә Bolqarıstan Kommunist Partiyasının Baş katibinә
minnәtdarlıq etmәyә başladı. Aktyorların gözü kәllәsinә
çıxmışdı. Rәngi ağappaq olmuş Lübimov dәhşәtlә Samoy-
lovun üzünә baxırdı. Elә bil hamının nitqi tutulmuşdu, heç
kәs “natiq”in sözünü kәsmirdi. Samoylov isә heç kәsә mә-
hәl qoymadan bülbül kimi ötmәyindәydi. Birdәn Jivkov
qәhqәhә çәkәrәk, onu alqışlamağa başladı. Hamı gözünü
ona zillәdi: ağlı çaşıb, nәdir? Aktyorlar gözlәrinә inanmırdı.
Doğrudanmı ciddi heç nә olmayıb? Bu qeyri-standart sağlıq-
dan sonra hamı rahat nәfәs aldı. Ziyafәt davam edirdi,
ancaq Lübimov qәfildәn yoxa çıxdı. Әvvәlcә heç kәs buna
fikir vermirdi. Adamdır, yәqin, işi olub, çıxıb. O vaxt nә
baş verdiyini isә Yuri Petroviç yalnız 16 ildәn sonra danışdı:
“Növbәti ildә “Taqanka” “Hamlet” tamaşası ilә Yuqoslaviya
teatr festivalında iştirak etmәliydi. Samoylovun çıxışını
dinlәdikdәn sonra fikirlәşdim ki, hәr şey bitdi! Bizi festivala
buraxmayacaqlar. Ziyafәti tәrk edib, küçәyә çıxdım vә atlı
milis dәstәsinin arasından keçib, yaxınlıqdakı restorana
girdim. Hәmin macar restoranı hәlә dә orada, iki küçәnin
kәsişdiyi yerdәdir. Xahiş elәdim ki, içmәyә nәsә versinlәr.
“Mastika” tәklif etdilәr. Dedim, 150 qram “Mastika” gәtir-
sinlәr. “Mastika” zәhrimar da, Allah bilir, neçә dәrәcәdir.
İçki beynimә vurdu, ayaqlarımı güclә çәkirdim. Bundan
sonra restorana qayıtdım. Gördüm, heç kәs hәbs olunmayıb,
Jivkov isә üzümә baxıb gülümsәyir… Öz yerimә oturub,
mәyusluqla Samoylovu süzmәyә başladım. Bu zırrama isә
hәlә dә gәvәzәlәyir, özünü igidlik göstәrib ad çıxarmış