Page 279 - "Zəfər və ilğım"

Keçmişləri xatırladar bizə, 279
ruhumuzu oxşar,
dəhşətli yükü götürər çiynimizdən…
Filatov da belәcә, öz ustalığı, ifa tәrzi, sәhnәdәn sәslәn-
dirdiyi mәtnlәrlә insanların çiynindәn ağır yükü götürmәyi
bacarırdı. Sonralar ssenari materialında nәzәrdә tutulduğun-
dan daha çox şeylәri ifadә edәn bu gözlәr böyük ekranlara
çıxdı. Filatovu o dövrün ekran qәhrәmanlarından fәrqlәndi-
rәn, hәm dә elә bu gözlәr idi.
Ürәklәri riqqәtә gәtirәn daha bir epizodu xatırlayıram.
Dediyim kimi, sözügedәn tamaşa zamanı, sәhnәlәrdәn
birindә L.Filatov, gözәl Natalya Qonçarova rolunu oynayan
N.Şatskaya vә mәnim ifamda I Nikolay – sәhnәnin mәrkә-
zindәki karetdә oturub, öz çıxışlarımızın vaxtını gözlәyirdik.
Cәmisi 5 dәqiqә bir yerdә olurduq. Nәzәrә alsaq ki, hәmin
tamaşa yüz dәfәdәn çox nümayiş etdirilmişdi, öz poetik
tәbiәti ilә seçilәn Leonid üçün bu beş dәqiqә az qala әbә-
diyyәtә çevrilirdi. Hәmin unudulmaz fasilәlәrdә nәlәrdәn
danışmırdıq! Bәzәn fikirlәşirәm ki, bәlkә dә, Şatskaya ilә
Filatovun ulduzları mәhz o qızılı karetdә barışmış, ürәklәri-
nә sevgi qığılcımı elә burada düşmüşdü…

Dәliqanlı Fedot-strelets
haqqında

vә ya Leonid Filatov Teatrı

Leonid Filatovun bu ilk pyesi, zәnnimcә, hәm dә onun
әn yaxşı pyesidir. Doğrudur, Filatov deyirdi ki, “Fedot haq-
qında” әsәrini rus folklorunun motivlәri әsasında yazıb, an-
caq mәn arayıb-axtarmaq vә müqayisә etmәk fikrindә ol-
mamışam. Ona görә ki, Leonidin necә böyük sәnәtkar oldu-