Page 156 - "Yeni söz"

nc yazarların ədəbiyyat almanaxı

***
çıxıb gedəsən,
hamıdan xəbərsiz uzaqlaşasan
dostlardan, doğmalardan...
hamı öldüyünü düşünə,
ya da itkin düşdüyünü...

onsuz da
bir az torpağın üzü soyuqdu,
bir az adamların üzü...
bizdə soyuqlar tez düşür,
üşüyür damların üzü...

çıxasan gecələr yola,
qayıdasan səhər yoldan.
tıxana sözün boğazı,
asıla bir qəhər yoldan...

gedəsən qayıtmaq üçün,
gedəsən, qayıtmayasan...

və beləcə unudulasan
bir kimsəsiz məzar kimi...

atam deyərdi

dəyişib dünyanın rəngi,
bir zaman,
hamı bir-birinə adam deyərdi.
adamlar itirib adamlığını,
özüm öz içimdə yadam, deyərdi.

haqqı misra-misra taxdım dilimə,
sözü bayraq kimi aldım əlimə,

156