Page 129 - "Yeni söz"

Fəridə Məmmədova. Şeirlər
Yeni adam... yeni dodaq...
yeni öpüş... yeni toxunuş...
sonra
tanış səs, tanış qoxu, tanış həyəcan.
Tanıyıb köhnəldirik hər şeyi
sonrası –
Yeni adam... yeni dodaq...
yeni öpüş... yeni toxunuş...
sonra
tanış səs, tanış qoxu, tanış həyəcan.

***
Biz keçmişində dəniz olmayan qadınlarıq
Amma çox sularda boğulub gəlmişik
Yollar – ayaqlarımızın getmədiyi
Kişilər – əllərimizin yetmədiyi qədərdi.

***
indi
maşının ardınca qaçıb hürən it kimi
qısılıb quyruğuma qayıdıram asta-asta

***
Gülləylə giliz ayrılığıdı bizimki
Yəni böyük ehtimalla, ölüm deməkdi...

129