Page 72 - dailan

iya Elena Valş

Xalam Klodomira mәyus halda ah çәkdi.
– Paho, belә iri karetin içindәn cırtdan çıxır, –
dedi.
– Şşş, birdәn sәni eşidәr vә hirslәnәr, – ona
dedim.
Cırtdan ayağını iki-üç dәfә yerә vurdu vә sonra
heç kimә baxmadan vә salam vermәdәn – Baba buna
görә әsәbilәşdi – birbaşa Dailan Kifkiyә tәrәf getdi.
Boyu heyvanın dizlәrinә zorla çatırdı. O, filin
qulaqlarından yapışmaq üçün tullanmağa başladı, amma
әli çatmadı.
Mәn yaxınlaşıb cırtdanı göyә qaldırdım vә o sevinib
filin qulaqlarını sığalladı.
Sonra gülümsәyib mәnә tәşәkkürünü bildirdi.
Ona dedim:
– Xoş gәlmisiniz, cәnab cırtdan.
O da mәnә cavab verdi:
– Supisiçe.
Bu söz cırtdan dilindә, Allah bilir, nә demәk idi.
Dәrhal da әrköyün sәslә vә sәlis ispan dilindә әlavә
elәdi:
– Filin belindә gәzmәk istәyirәm.
Karetdә gәzәn, hәtta bәlkә dә, futbol ulduzu olan
bu cırtdana heç kimin etiraz etmәyә cürәti çatmadı.
Hamımız bir yerdә cırtdanı qaldırıb Dailan Kifkinin
belindә oturtduq.
Filin belindә gülümsәyәrәk, papağını әlindә sağa-
sola yellәyә-yellәyә bizi salamlayıb, әtrafda bir xeyli
dövrә vurdu.
– Yaxşı, bir-iki dövrә vurdum, bәsdir, – üç saat
sonra cırtdan özü dillәndi.
Halbuki bir-iki yox, on beş min dövrә vurmuşdu vә
Dailan Kifkinin artıq başı gicәllәnirdi.

72