Page 166 - Peşəkar aktyorluq dərsləri

Mixail Çexov

lanın. Tәsәvvür edin ki, rejissor sizә aktyor oyununun
müәyyәn jestini tәklif edib. Hәmin jestin psixoloji jestlә
heç bir bağlılığı olmadığını nәzәrә alın. Siz rejissorun
tәklif etdiyi jesti yerinә yetirsәniz dә onun tәrkibinә
psixoloji mahiyyәt qatmalı olacaqsınız. Oyun vә psixoloji
jestlәr bir-birini tәkzib etmәsә dә, onların oxşarlığına yol
vermәk olmaz.

Digәr nümunәyә müraciәt edәk. Qәlbinizin sәsinә
qulaq verin. Daxilinizdә jestin yaranmasına әmin olana
qәdәr aramsız mәşq edin. Eyni jest hәr bir aktyorun qәl-
bindә özünәmәxsus surәtdә yaranıb inkişaf edәcәk. Әgәr
oyuna psixoloji jestlә başlayırıqsa, demәli, tam sәrbәstik.
Çünki jesti yerinә yetirәrkәn daxilimizdә nәlәrin baş
verdiyini kimsә bilmir. Tamaşaçı oyunumuzun yalnız әn
qiymәtli cәhәtini görüb qiymәtlәndirәcәk. Aktyor psixo-
logiyasına sәrbәstlik versәniz, bir çox maraqlı nüanslar
ortaya çıxacaq.

Psixoloji jestdәn tramplin kimi istifadә edin, onda
jest barәdә rәyinizin daha da zәnginlәşdiyinin şahidi
olacaqsınız. Әslindә, jest aktyor psixologiyasının xoş bir
hissәsinә çevrilmәk üçün uzun yol keçmәli vә necә
deyәrlәr, bişmәlidir. Yadda saxlayın, bәdәnimiz torpağın
altına girmәyә, yaxud sәmaya uçmağa qadir deyil, amma
xәyalәn bunu canlandıra bilәrik. Belәliklә, psixoloji jest
müәyyәn zaman kәsiyindә hәr şeyi dәyişә bilәr, bu
sәbәbdәn onun mahiyyәtini dәrindәn araşdırmaq lazım-
166 dır.

Dәfәlәrlә mәşq etdiyimiz jestin bazasında gerçәk
bir hadisәni götürәk. Әlinizi cibinizә qoyub otağa daxil
olursunuz, әsәblәrinizi cilovlaya bilmirsiniz, görkәminiz-
dәn etinasızlıq yağır vә daxilinizdә dә buna bәnzәr güclü
jest var. Diqqәt yetirin, zahiri hәrәkәtlәrin vә daxili jestin
qovuşması maraqlı psixologiya yaradır.