Page 157 - Peşəkar aktyorluq dərsləri

M.Çexov: Yox. Psixoloji jest sizin sirrinizdir. Bu, Peşəkar aktyorluq dərsləri
dayaq nöqtәnizdir, necә oynamağınız isә başqa mәsәlәdir.
Әgәr psixoloji jest olmadan oynayırsınızsa, elә görünә
bilәr ki, hәddәn artıq sәrbәstliyә yol verirsiniz. Yәni bu
faktı zahirәn tәcәssüm etdirirsiniz. Psixoloji jesti hәmişә
zahirәn büruzә vermәk olmaz. Mәhz bu halda psixoloji
jest daha da güclәnir vә tamaşaçı qәlbini riqqәtә gәtirir.

P.Frey: Ancaq siz psixoloji jesti yaratmaq vә ifa
etmәk arasında seçim etmisiniz. Personaj üçün tapılmış
psixoloji jest aktyora ilham verәn psixoloji jestә daxil
edilә bilәr. Bununla belә, razılaşın ki, jest aktyora xarak-
ter hissiyyatı bәxş etsә dә, özünün zahiri fiziki formasına
görә bәzәn mәnasız görünür. Bu, müәyyәn mәqamda
tamaşaçının xoşuna gәlmәyә dә bilәr.

M.Çexov: Psixoloji jest barәdә söylәdiyiniz fikirlәrә 157
qayıdaq. Mәsәlәn, gündәlik hәyatda müxtәlif fәrdlәrә
nәzәr salsanız, görәcәksiniz ki, hәr bir insanın psixoloji
jesti var, amma o, bunun nә olduğundan xәbәrsizdir. Biz
sәhnәyә çıxanda tәbii psixoloji jestә bel bağlaya bilmәrik.
Aktyor öz psixoloji jestini yaratmalıdır, çünki biz perso-
naja hәyat verib canlandıranacan o, qeyri-realdır. Ona
görә dә aktyor hәr birimizin psixoloji hәyatında baş verәn
jestlәrdәn әn uyğununu fәrdi surәtdә tapıb ortaya qoy-
malıdır. Özünüz baxın, insanın xarakteri nә qәdәr sadә
olsa, onun psixoloji jesti dә bir o qәdәr bәsitdir. Mәsәlәn,
ucuz bir malı tәbliğ edәn şәxs çox kobud jest edir. Digәr
nümunә: arzularla aşıb-daşan ingilisi gözlәriniz önündә
canlandırın. O, arzularını nәinki hamıdan, hәtta özündәn
dә gizlәdir. Hәyatda tez-tez ingilislәrә xas jestin şahidi
ola bilәrsiniz: bir yumruğunu digәr ovcuna vurur.
İngilislәrin, demәk olar, hamısı bu jestdәn istifadә edir.