Page 80 - Design_Zakir_Fakhri_Poems_FULL_Layout 1

Zakir F XRİ Zakir FAKHRI

...Köksündә gizlәnib açmayan gülün
Tumurcuğu olub çatlaya bilsәn,
Bir soyuq baxışın, solğun baxışın
Sönmüş umuduna köz ola bilsәn...

Dünya işığına hәsrәt gözlәrә
Bir işıq dolusu göz ola bilsәn.
Ulduz işığında, ay işığında
Tәpәdәn dırnağa durula bilsәn,
O qıza bir daha vurula bilsәn...
Güllünün boynuna sarıla bilsәn...

Bu tәnha gecәlәr, yalqız gecәlәr
Sәn ay işığından keçib gedәrsәn.
Gedәrsәn, gedәrsәn ağ yollar boyu.
Hamının gözündәn köçüb gedәrsәn,
Gedәrsәn, gedәrsәn suallar boyu...

Bir qәrib ürәyin artar qubarı,
Kәdәr ağacının meyvәsi dәyәr...
Qarışıb kiminsә giley-güzarı
Tәnha gecәlәrә, hey tüstülәyәr...

80