Page 140 - Design_Zakir_Fakhri_Poems_FULL_Layout 1

Zakir F XRİ Zakir FAKHRI

QARABAĞSIZ

(Mahir muğam ustadlarından biri çadır şәhәrciyindә
“Xoş gәldin elinә, obana, nә yaxşı...” dedi mәnә vә
“Şuşanın dağları”nı oxudu...)

Dostlar, bağışlayın, әliboş gәldim,
Gәldim qapınıza mәn Qarabağsız.
Vallah, gözlәrimdәn çәkilib getmir
Duman Qarabağsız, çәn Qarabağsız.

Əlә qәlәm aldım, әlim göynәdi,
Hәr adı gәlәndә dilim göynәdi.
Çiçәyim göynәdi, gülüm göynәdi,
Bölündüm ortadan tәn Qarabağsız.

Sel dә yox, Saranı gәlib aparsın,
Bu dәrdi, bәlanı bölüb aparsın.
Qoymayın süpürüb, silib aparsın
Qara saçlarımı dәn Qarabağsız.

140