Page 214 - "Kişi, qadın və çətir"

KİŞİ, QADIN VƏ ÇƏTİR

214 – bax, – deyir, – qutuya qoyun siz pulu
ancaq çalışın xırda olsun ha
lütfən, elə pul verin ki,
ehtiyac olmasın qalıq qaytarmağa

***
o, ağacları oxuyurdu
oxuyurdu
onlar hələ qəzetə çevrilməmişdən öncə

qızılağacdan
hansı qəzetə çevriləcəyini soruşurdu
o isə bilmirdi

cökədən
hansı qəzetə çevriləcəyini soruşurdu
o isə bilmirdi

meşələri vərəqlədikcə vərəqləyirdi
hər ağacı çevirəndən sonra
barmağını dilinə sürtüb isladırdı

fikirləşirdi ki görəsən necə
kağıza çevrilib
həqiqətin və yalanın
tatuajlarını
öz üzərində daşımaq olar