Page 188 - "Kişi, qadın və çətir"

KİŞİ, QADIN VƏ ÇƏTİR

pianonu öyrənməyə çalışdığı
doqquzuncu mərtəbə arasında

çalışıram ki,
pəncərəmin o tərəfində
baş verənlərə baş qoşmayım.

188 Məhz bu vaxtlar
gey rəqqasın saxta rəfiqəsini
ailəsiylə tanış elədiyi
üçüncü mərtəbəylə
qıyıqgöz şərqli qızın
pianonu öyrənməyə davam elədiyi
doqquzuncu mərtəbə arasında

institutu atmağı götür-qoy eləyirəm
amma qarşıda heç bir perspektivin
olmaması məni saxlayır.

Məhz bu vaxtlar
axşam məktəbinin
on altı yaşlı şagirdinin
anasının köhnə nişan üzüyünü
evdən çıxardığı
dördüncü mərtəbəylə
qıyıqgöz şərqli qızın
pianonu öyrənməkdə olduğu
doqquzuncu mərtəbə arasında

perspektivsizlik barədə düşünürəm