Page 138 - "Kişi, qadın və çətir"

KİŞİ, QADIN VƏ ÇƏTİR

138 yuxularımın daha bir cəngavəri
dişsiz ağzıyla gülərək məni gözləyirdi.
Məhbəsdən təzəcə çıxıb gəlmişdi,
qoca anası da yanında.
Ofisiant qız
siçan yedirdirdi akvariumdakı timsaha...
Axşam mənzilimə qayıdıb
sosial şəbəkədə yazacam bir daha:
“Laübalı bir xanım
yuxularının cəngavərini axtarır”.
Sabah da təzədən yollanacam
qara paltolu, qara şlyapalı
ucaboy kişinin axtarışına.