Page 140 - "Kişi, qadın və çətir"

KİŞİ, QADIN VƏ ÇƏTİR

Qoyko Mitiç

Avropa keçindi...
kiminçün səslənir bu kilsə zəngi?..

mərtəbə növbətçisi
yaşı bilinməz biridir
əsl ixtiraçı istedadı var
türk şampunuyla yuyur corablarını –
lavanda ətrini duya bilirsən?

140 həzin səslər gəlir
musiqi toplusundan –
tüstülü altmışıncı illər
işıqlı yetmişinci illər –
radiodur bu, radio

sən hələ doğulmamış
itirdilər sənə bəslədikləri ümidi
üzləri qırxılmamış
təbəssümü işıqlı
bu suyuşirin zarafatcıl oğlanlar
uzun-uzun saçlarını geriyə atan
sərhəd-filan tanımayan
dinclik bilməyən qızlar

bizim yeniyetmə sadizmimizə
gec də olsa dürtülən
qərb filmlərinin klassik qəhrəmanları