Page 300 - Turk_Edebiyyati_Antologiyasi
P. 300
Türkiyə ədəbiyyatı antologiyası
300
GÜZGÜ
Mәnә oxşayan bir gözlәrim qaldı
Bir dә kәdәrli baxışlarım
Düşüncәmin olmadığı
Güzgülәrdә mәn varam
Yalan deyil dәyişdiyim, yalan deyil
İndi hәr nәğmә mәni ağladır
Dәli edәn insanı zaman deyil
Zamanı unutmamaq zülmdü…
Zamandı ovuclarımdan uçub-gedәn
Xәyallarımın olmadığı yerdә
Zamandı düşüncәmә hökm edәn
İlk sevgilim indi, kim bilir, hardadı?
Xatirәlәrimi aldı әvvәlcә ölüm
Zamanın güzgüsündә ölümü gördüm.
BATMIŞ GƏMİ
Bütün sevgililәr, dostlar getdi
Bir sәn qaldın, qadınım, mәni tәrk etmәyәn
Batan gәmilәrin kapitanlarıtәk
Dәnizlәrin ortasında ölümü gözlәyәn.
RÜBAİ
Nәşәylә hüzur, tut ki, bu alәmdә deyil,
Cәnnәtdә deyil, sonra cәhәnnәmdә deyil.
Madam ki, bilinmir bu ömrün sirri
Hәr dәmdә inan Tanrıya, son dәmdә deyil!
