Page 248 - Turk_Edebiyyati_Antologiyasi

Türkiyə ədəbiyyatı antologiyası
248
Bunu düşünün: mәsәlәn, evli bәylәr, siz dә
Xanımınız kimi baxa bilәrsiz birinә
Öpә bilәrsiniz uşaqlarınızı istәyincә
Yuyununca hәlә iy-qoxudan da qurtularsınız
Dediklәrimin heç biri bunu bacarmaz
Heç birini bacarmaz, bәli,
Subaylar könüllәri istәyincә.

OXUCULARIM BİLİRMİ?

Mәn bu şeirlәr üçün
Neylәdim, nәlәr çәkdim
Hansı ulduzlarda dolaşdım
Oxucularım bilirmi?

Neçә düşmәnliklәrdәn keçdim
Neçә eşqlәrә yas tutdum
Neçә gümanlarla inlәdim
Oxucularım bilirmi?

Bәzi mәşhurların
Şeirimdәn şeir yazdığını
Mәnimsә kimsәni borclu çıxarmadığımı
Oxucularım bilirmi?

Əlimdәn qaçan misraları
Günlәrlә necә gözlәdim
Nә sancılar çәkdim
Oxucularım bilirmi?