Page 885 - antologiya - poeziya_175x250_Layout 1

Èñi Mÿlikzadÿ

süzdü. “Arıqlayıb Seymur. Rәngi dә ağarıb. Ağız-burnu nәcimlәşib. Yәqin,
çәtinlik çәkir, doyunca yemir. Neynәsin, yanında anası yox, bacısı yox”.
Ana ayrılığın, hәsrәtin dad-tamını bilirdi. Altı aydan bәri gecәli-gündüzlü
bütün fikri-zikri oğlunun yanında olmuşdu. Bircә qismәt çörәk yeyәndә dә,
bircә içim su içәndә dә Seymuru xatırlamışdı: görәydim günlәri necә keçir
balamın!”.
Seymurun tәtildә olduğu müddәtdә ana onunla üz-üzә çox oturmuşdu;
doymamışdı. Firuzә bu ayrılıq anını qorxa-qorxa gözlәmişdi. Özünә söz
vermişdi ki, Seymur yola düşәndә ağlamasın. “Uşaq birdәn könlüqırıq
gedәr.”
– Bacarmırsınız, oxutmayın. Hәlә birinci kursu qurtarmamışam. Bәs
beş il mәni necә dolandıracaqsınız?!
Firuzә cavab verә bilmәdi. Ürәyindә әrinin qarasına deyindi: “Heç ol-
masa gәlib uşağı yola da salmadı. Bu yağışlı gündә çantasını atıb 309
getmәsәydi dünya dağılmazdı ki!”
Küçәdә maşın siqnal verdi. Ana stolun üstündәn әzik pulları götürüb
Seymura uzatdı:
– Al bala, dәlilik elәmә.
– İstәmirәm!
– Axı tәqaüd dә alırsan.
– Ondan sizә nә?! Aldığım ayın başına çatmır. Ac qalanda kimin
qapısına gedim?! Elә bilirsiniz yemәkdәn savayı, xәrclәrim yoxdu?
– Biz dә atanın maaşı ilә dolanırıq, bala. Axı sәndәn başqa, evdә iki
bacın da var.
– Mәni adam yerinә qoymursunuz. Şәhәrdә batsam da vecinizә
gәlmәz.
Maşın uzun-uzadı siqnal verdi. Seymur şәhadәt barmağını çiyni üstdәn
qapıya tuşladı:
– Uşaq oxudan elә olar. Oğlunu öz maşınında stansiyaya göndәrir. Mәn
dә onun qoltuğuna qısılmışam. Mәnim atam…
Firuzәnin әrinә yazığı gәldi. Cansız-cәsәdsiz kişinin bu yağışlı, külәkli
gündә palçığa batıb qalacağından qorxdu. Naxoşlayıb yatağa düşәcәyindәn
qorxdu. “Pay-piyada nә qәdәr gәzmәk olar? Ayaq döymәkdәn bәdbәxtin
canının suyu da quruyub. Bir dәridir, bir sümük… Gör neçә ildir… Gör ha”.
Yenә siqnal sәsi eşidildi; dalbadal, әsәbi Seymur çamadanın qulpundan
yapışdı. Ana yalvardı:
– Ağrın mәnә gәlsin, pulu al. Yenә tapıb göndәrәrik. Bir az… qәnaәtlә
xәrclә, israfçılıq elәmә.
– Yoxsa bu vaxta qәdәr gen-bol xәrclәmişәm?! Bilirsәn borc almaq nә
demәkdir?! Şәhәrdә olmusan? Bir stәkan suyu da pulsuz vermirlәr.