Page 823 - antologiya - poeziya_175x250_Layout 1
P. 823

Gölhöseyn Höseynoülu




                                          Mücrü


                        gәlin köçәndә anası mücrü dә qoydu cehizinin üstünә. “Gәlin
                        mücrüsüz olmaz!” dedi. Nәnә yadigarı idi bu balaca, naxışları
                Osolğun mücrü. İndi dә onun qismәti oldu.
                O, üzük, qızıl saat vә sırğalarını qoyardı mücrüyә. Mücrü paltar
            dolabında әn yuxarı gözә qalxmışdı. Әzizlәnirdi mücrü, sevilirdi mücrü...
                Bir gün gәlin ana oldu. Әri hәdiyyә ilә evә gәldi. Açıldı mücrü, cavan
            ana qızıl boyunbağını qoydu, örtüldü mücrü.
                İkinci uşaq dünyaya gәldi. Açıldı mücrü, örtüldü mücrü.
                Üçüncü... dördüncü... beşinci...
                Açıldı mücrü, örtüldü mücrü...
                Doldu mücrü.                                                       247

                                            ***


                Atanı müharibә apardı. Ehtiyacla әlbәyaxa oldu ana. Gecәsi gündüzә,
            gündüzü gecәyә qarışdı ananın. Ancaq itirmәdi özünü, itirә bilmәzdi ana!
                Bir dәqiqә dә işsiz durmadı, bir dәqiqә dә. Lakin çatışmırdı qazancı
            ananın!
                Açıldı mücrü, örtüldü mücrü. Nişan şeylәri, әr hәdiyyәlәri bazara ayaq
            açdı...
                Kәdәrlә açıldı mücrü, kәdәrlә örtüldü mücrü...
                Boşaldı mücrü...


                                            ***

                Bir gün ananın ilkisi sevincәk evә gәldi. Diplomla gәldi. İlk diplom
            idi ki, onların evinә qәdәm qoyurdu. Ali mәktәb diplomu.
                Ana doluxsuna-doluxsuna diplomu dodaqlarına apardı, bağrına basdı,
            gözlәrindә yaş görünәndә yadına çoxdan unudulmuş mücrü düşdü...
                Ananın әllәri, mehriban әllәri mücrüyә toxunanda mücrü sanki cana
            gәldi, sevincәk açıldı mücrü, diplomu ağuşuna aldı, gülümsәdi, sevincәk
            örtüldü mücrü.
                Evә ikinci diplom gәldi. Açıldı mücrü, örtüldü mücrü.
                Üçüncü... dördüncü... beşinci...
                Açıldı mücrü, örtüldü mücrü...
   818   819   820   821   822   823   824   825   826   827   828