Page 371 - 2-ci cild

Ìàêñ Ôðèø
Başqa şey nədi, heç səni qucaqlamağa da halı olmayacaq. Sən
kişiləri olduğundan artıq qiymətləndirirsən, canım-gözüm, çünki
ancaq bizdə olanları tanıdığından… Paltar hazırdı. Bax belə…

Miranda. Təşəkkür…
Selestina. Gəlinimiz özünü necə hiss eləyir?

Zəng çalınır.
Miranda. Güzgünü mənə saxla.

İspan zadəgan daxil olur.

Selestina. Sizə nə lazımdı?
Lopes. Bilmirəm, düzmü gəlmişəm…
Selestina. Çox güman, düz gəlmisiz.
Lopes. Mənim adım Lopesdi.
Selestina. Lap yaxşı.
Lopes. Mən Toledodan gəlirəm…
Selestina. Başa düşürəm, yol yorğunusuz, dincəlmək istəyir-
siz…
Lopes. Don Baltasar Lopes.
Selestina. Anket doldurmuruq, bircə pulu qabaqcadan.

Lopes yan-yörəyə baxır.

Hər şey qaydasındadı, siz səhv etməmisiz, keçin.

Lopes Mirandanı süzür.

Bu qızın istirahət günüdü. (Lopeslə gedir.)
Miranda (güzgünün qabağında tək qalıb). İlahi, özün kömək
ol! Mənə axı artıq heç nə lazım deyil. Qoy həyatında bircə dəfə
məni öz adaxlısı bilsin, qarşımda diz çöküb and içsin ki, yalnız
bu çöhrəni – donna Annanın çöhrəsini sevir. Mənim çöhrəmi…

371