Page 129 - 2-ci cild

Arman Salakru

Vikont. Qiyom gəlib?
Jozef. O, əla çiçəklər gətirib.
Mari-Blanş. Toy, yoxsa yas üçün?
Knyaginya. Onlar dəfn mərasiminə nə hazırlıq görürlər?
Jozef (sanki söhbətin nədən getdiyini anlamayaraq). Hazırlıq?
(Pauza. Gedir.)
Vikont. Nə yaxşı ki, Qiyom gəlib çıxdı! Tanrıya şükürlər ol-
sun.
Knyaginya. Tanrıya şükürlər olsun? Bəli xırdalıqlara görə
onu göylərə qaldırmaq olar, amma Bobo, sizə elə gəlmirmi ki,
Tanrının əhdi uğursuz alınıb?
Mari-Blanş (Vikonta). Qardaşıma deyin, mən onu görməkdən
imtina edirəm.
Knyaginya. Babanın mübarizəsi ürəkparçalayan olsa da,
məqsədsiz idi. Öləcəyini bildiyin halda, yaşamağı bir-iki saat
uzatmağın nə mənası?..
Knyaz. Bu haqda danışmayın. Mən qarşıdan gələn ölümü
unutmaq istəyirəm, odur ki, yaşadığımı da düşünmək istəmirəm.
Vikont. Mari-Blanş, əgər siz mənimlə gəlməsəniz, pəncərəni
açıb Qiyomu çağıracağam! (Getməyinə mane olmaq üçün onun
çiyinlərindən tutub saxlayır.) Mən zor gücünə də olsa, sizi sax-
layacağam.

Qiyom daxil olur.

qiyom (çox şəndir). Ax, göyərçinlər! Hə, Şarl, necəsən, qara
bulud tanımayan xoşbəxtlik hissiylə dolusanmı?

Knyaginya. Bobo, müdaxilə edin, bu mahir psixoloq məni
öldürəcək.

Knyaz (sıxıla-sıxıla Qiyoma). Knyaz Boresku, mənim həyat
yoldaşım knyaginya Boresku.

qiyom (təzim edərək). Çox şadam.

Ortans və Mari-Terez daxil olur.

Ortans. Mari-Terez, bununla barışacaqsınız.

129